المطبخ

طريقة سهلة للكنافة بالكريمة والمانجا

يمكن لأي سيدة أن تحضر الكنافة بالكريمة والمانجو في المنزل بأسهل الطرق، حيث يحبها ويعشقها الأطفال، وتكون لهم من أفضل الحلوي التي يأكلوها في شهر رمضان الكريم، كما أنها يمكن أن تقدم في المناسبات والعزومات في شهر رمضان، وتكون غير مكلفة للغاية.

اولا المكونات

ربع كيلو كنافة مجمدة

كوباية سمنة سايحة

رشة فانيلا

2 كوباية عصير مانجو

2 حبة مانجو

مقادير الكريمة

2 كيس كريم شانتيه

نص كباية لبن متلج وممكن نبدله بماية

3 معالق سكر بودرة

رشة فانيلا

مقادير العسل

كوباية سكر

½ كوباية ماية

رشة فانيلا

عصير نص ليمونه

طريقة الكنافة بالكريمة

  1. هنطلع الكنافة من الفريزر وهنفركها لحد ماتبقى ناعمة جدا وحتت صغيرة
  2. هنحمر الكنافة فى طاسة لحد ماتاخد لون ذهبى
  3. هنعمل بقى العسل هنحط نص كوباية الماية على السكر فى حلة على نار هادية لحد ما تغلى ونطفى عليها وننزل بعصير اللمون عليها كدا العسل جاهز
  4. هناخد العسل ونقلبه فى الكنافة كويس جدا
  5. نيجى بقى للكريمة فى مضرب كهربائى هنضرب الكريم شانتيه معاه اللبن والسكر وفانيلا لحد ماياخد قوام الكريم شانتيه ونسيبه على جنب
  6. نقطع حبايتين المانجو لشرايح رفيعة وطويلة او حسب الرغبة
  7. فى قالب التقديم هنحط نص كمية الكنافة اللى عملناها ونصب عليها شوية من عاصير المانجو
  8. هنحط فوقيها طبقة من الكريم شانتيه اللى احنا لسه عاملينه
  9. هننزل فوقيها بنص كمية المانجو المقطعة ونرجع نصب شوية من العصير فوقيهم
  10. نكرر اللى عملناه تانى بحيث يبقى عندنا طبقتين وفى الاخر نصب باقى العصير عالوش وممكن نزينها بشوية مانجو عالوش وشوية كريم شانتيه وممكن تحطى شوية مكسرات مطحونة فوق الوش ودى حسب الرغبة طبعا

وتحطيها فى التلاجة على الاقل ساعتين او لحين وقت التقديم ولازم تتقدم باردة

 

 

 

 

 

السابق
طريقة متميزة لتحضير الكنافة بالمانجو مثل الحلواني
التالي
كيفية إستغلال وتنظيم الوقت في نهار شهر رمضان الكريم

اترك تعليقاً