ديـــاي بالــكــريــمـه

[KuwGirL]

السلام عليكم ورحمة الله وبركاته

المــقــادير :-

- صدر دياي خالى من العظم (حسب العدد الاشخاص )
2- بطاط
2-جزر
-بصل
-مشروم
صلصه :- انا احب اخط باشميل اما الى ماتحبه تقدر صلصه بيضا العاديه بس اذا تبون راي بالعكس بالباشميل طعمه غير

طـــــريقـه :-

راح اتحجى براحتى ما راح اكتب باللغه عربيه ....
- نقطع صدر دياي مربعات .. وراها نيب جدر ونحط البصل ونحمس دياي معاه منغير ما اضيف شي احمس دياي على مايه اهو ليمن يستوى دياي
- بعدين نحطه على الجنب ... ونيب بطاط ونقصص صغار ونقليه .. ونبرش الجزر
- بعدين نرد ناخذ جدر الى سلقنا فيه دياي نحط عليه البطاط ومع الجزر ونحركهم ونضيف عليهم الملح وبهارات حسب رغبه
- بعدين اضيف المشروم عليهم واخليه شوى على نار
- وتسون الباشميل عمبال اهو على نار ليمن تخلصين باشميل صكر نار من دياي وبس حطى عليه باشميل شوى شوى وحركيه وهم حطه صلصه بكيفج تبين وايد ولا شوى ..
اليــــوم حبيت اتحجى براحتى مابي مقدار ولا نصف كوب .. شوى بنسي انى ابله اقتصاد لووووول .. انشالله تعجبكم وعوووافي على قلوبكم


اختــكــم بـنـت لــكـويـت

[ديــمــا]

السلام عليكم ورحمة الله وبركاته

حبيبتي KuwGirl

سلمت يداك على هذه المشاركة الطيبة

والموضوع الجيد طبخه رائعه سوف اجربها

تقبلي فائق شكري وتقديري على مواضيعك

التي تثرين بها المنتدى بكل اقسامه

بارك الله فيك ووفقك لما يحبه ويرضاه

ودمت مضيئه

اختك في الله ديــمــا

[KuwGirL]

ثانكس لمرورج ديماا .. وعافيه على قلبج
اختج بنت لكويت