¨®¨ذكريات¨®¨

[ديــمــا]

يا ذكريات الامس يـا حاضـر اليـوم
يـا اول بدايـات الشـقـآ والكـآبـه

يا من غدآ ذكـرك معـي دايـم الـدوم
اصـد والقـاك الـسـؤال وجـوابـه

محروم من وصلـك ولانيـب محـروم
من طيفك اللـي كـل عـرق انتشابـه

اللي حـرم جفنـي طعـم لـذّة النـوم
شـيٍ لـك الله ماحسبـنـا حسـابـه

انا ادري ان اللي حصل شـي مقسـوم
لكّـن قلبـي وش يخـفـف عـذابـه

دمعة عيون ،، وعضّة ابهام ،، واهموم
وضيقة صدر ،، وافكار حزن ،، وغرابه

من بعدكـم والحـال مبـري ومسقـوم
والضحـك قفّـا والعنـآ فـك بـابـه

تقفي بـك حلـومٍ وتقبـل بـك احلـوم
واقول مـا جابـه لـي الحلـم جابـه

اغفي على ضحك امس واجيك معـزوم
واتخيّلـك فـي بسمـتـك والرحـابـه


****
وسلامتكم

اختكم ديــمــا

[][..صـاحبة السمـو..][]

الله يسلمج

وصح لسانج يالغلا عالابيات الحلوة
ولا هنتي

وننتظر جديدج

[ديــمــا]

دائماً تغمرين كلماتي بثناء يخجل تواضع حروفي

ثقي تماماً أن الروعة تكمن في حضورك ونثر عبيرك

تمنياتي لقلبك أن ينبض دائماً بمحبة بوح (ديــمــا)

لاعدمت تواصلك ولا نثر حروفك بين صفحات منتدانا

دمتي بود

تحياتي ديــمــا

[abdullah]

صح لسانج ديمااااا

[ديــمــا]

عبدالله


أسعدني حضورك واعتز بتواجدك الدائم ..
ونثر حروفك بين صفحاتنا
ادامك الله لنا

مع تحياتي
اختك بالله ديــمــا