كــلــماًّّأّت أغــأنىى ألبــومــ الرويـــشد 2006

[ديــمــا]

(( ويـنـي ))

كلمات: ساهر
الحان: عبدالله القعود

ويني... شوفو من يسألني ويني
اللي حب دموع عيني...
اللي غنى في انيني...
اللي قال البعد اريح... ما سالني شصار فيني...

وينه عني لمه... عشت عمري يمه
كان همي همه... وشوق الدنيا فيني
وينه يوم جيته... كل حب رجيته
وكان ما يبيني...

توني صرت خله...شمسه ويا ظله
قربي صار احلى... وناوي يحتويني
توه بس ذكرني... توه بس عرفني
وقلبه مشتريني...


http://gulf.salmiya.net/songs/rwaids...aidshed395.ram

.,-* *-,..,-* *-,..,-* *-,..,-* *-,..,-* *-,..,-* *-,..,-* *-,..,-* *-,.

(( خذ ما بقالك ))

كلمات: ناصر السبيعي
الحان: عصام كمال

خذ ما بقالك وخلني على حالي... تعبت اراعيك يا حلي وترحالي
حيرتني فيك مدري ويش اسوي لك... غالي وتبقى الى آخر نفس غالي

كل شي تغير معاك... ماعاد لي باقي
يعني تساوي وصلتي فيك وفراقي...
اصبر واداريك هذي اخرة صبري
من بعد ما كنت الأول صرت انا التالي...

لا لا لا... خذ ما بقالك...

كل شي تدمر معاي... كل شي بكى فيني
ضحكي كلامي طموحاتي عناويني...
اصرخ اناديك تكفى مانفع صوتي
كني بهمي تحت وانت بسما عالي...

لا لا لا... خذ ما بقالك...

http://gulf.salmiya.net/songs/rwaids...aidshed392.ram

.,-* *-,..,-* *-,..,-* *-,..,-* *-,..,-* *-,..,-* *-,..,-* *-,..,-* *-,.


(( حـابـس نفسك ))

كلمات: الناصر
الحان: عبدالله القعود

حابس نفسك بنفسك... عايش وحدك بهمك
غابت افراح شمسك... تسرح حزنك يضمك
وايامك جروح...

بابك قفلته عليك... قلبك حبسته بيديك
وايامك جروح...

صار الالم والليل اصحابك... ضايع طريجك والشقى بابك
غربت في دنياك... مدري وش وداك... مدري وش جابك

بابك قفلته عليك... قلبك حبسته بيديك
وايامك جروح...

واخيرا.. واخر رمق فـ الروح
واخيرا.. ودعنا كل الجروح

والتقينا بذاتنا... في بحور اشواقنا
والالم ذكرى انتهت... والفرح مرساتنا

ودعنا الجروح... ودعنا الجروح... ودعنا الجروح


http://gulf.salmiya.net/songs/rwaids...aidshed391.ram

.,-* *-,..,-* *-,..,-* *-,..,-* *-,..,-* *-,..,-* *-,..,-* *-,..,-* *-,.


(( أحـلـفـك ))

كلمات: أحمد باسعد
الحان: عبدالله الرويشد

أحلفك بالله... قلبك ما فقد خله...
وما اشتقت لي وما تعبت من الصد والفرقه...

ماحن قلبك بعد.. هالبعد ما كنه...
والا تعودت... وودك بعدنا يبقى...

لا تقتل الشوق وتنهي حبنا بزله... تدري بحبي وتدري مثله ما تلقى...
معقوله من غلطتي تنسى وتتغله... والا انت ما صدقت اخطي وللعذر تلقى...

عندي امل والطير مهما تعلا... يرجع ويلقى الارض تلقاه شفقه...
ان كان قلبك يبيني دربي تدله... وان كان ناوي بعادي الله يوفقه...


http://gulf.salmiya.net/songs/rwaids...aidshed397.ram

.,-* *-,..,-* *-,..,-* *-,..,-* *-,..,-* *-,..,-* *-,..,-* *-,..,-* *-,.


(( أصعب اللحظات ))

كلمات: سعود الشربتلي
الحان: عبدالله القعود

اصعب اللحظات لحظه يخدعك فيها حبيبك
اللي عطيته حياتك قسوته تصبح نصيبك

لما يتغير وينسى لما يتكبر عليك
وبعد عشره طويله يسحب ايده من ايديك

تصغر الدنيا في عينك والهنا يصبح الم
واللي عيشته فغرامك عيشك بأكبر وهم

بعدما تعطيه عمرك روحك احساسك وحبك
تكتشف في لحظه انه كان يلعب بس في قلبك

تصغر الدنيا في عينك والهنا يصبح الم
واللي عيشته فغرامك عيشك بأكبر وهم


http://gulf.salmiya.net/songs/rwaids...aidshed386.ram


.,-* *-,..,-* *-,..,-* *-,..,-* *-,..,-* *-,..,-* *-,..,-* *-,..,-* *-,.



(( أمـشـي ))

كلمات: الناصر
الحان: مشعل العروج

أمشي الى اخر حدود الارض...
أمشي الاقي الكون المكتض...
واناظر وجوه البشر.. ما تخلتف...
احتار وايدي ترتجف...
يا كيف... أحل المسأله..


يومه سنه.. وليلي ظنه
ووقتي هنا... يا مطوله
روحي انا.. على الوعد مستعجله
وقلبي معه.. والفكر ضيعه الوله
يومي سنه... ليلي ظنه
ووقتي هنا... يا مطوله
والمشكله اني احب...وغير اللقا ما اتحمله
وأمشي الى آخر حدود الأرض..

أمشي أمشي... ادورك..
في فرحتي وخوفي..
أمشي وأرمي
على صدر السما.. شوفي
أمشي وليلي ما بات
وحدي وأحكي من سكات..
وأناظر وجوه البشر ما تختلف..
الصمت غريب.. وبكل لحظه التفت
وسط الطريق..
والمشكله اني احب... وغير اللقا ما اتحمله..
أمشي الى آخر حدود الأرض..


وأضيع في صمت الوجوه.. وأسمع حكي
وبعض الحكي ما اسمعه..
همس غريب.. يا مسرعه
وأطوي المسافه.. أحسب نجوم
واليوم اشوفه كل يوم..
أنا هنا في غربتي صمتي غريب
أنا هنا عن ناظري قريب...
واللي شقى عمره شقى
والشمس نور للي بقى...
واحنا افترقنا ياهواي
واحنا يا روحي بنلتقي....

http://gulf.salmiya.net/songs/rwaids...aidshed388.ram


.,-* *-,..,-* *-,..,-* *-,..,-* *-,..,-* *-,..,-* *-,..,-* *-,..,-* *-,.



(( الحـبـايـب ))

كلمات: الناصر
الحان: عبدالله الرويشد

ما ضيعونا... غير الحبايب
اللي عيشونا... في وهم كايب

ضعنا معاهم... تهنا وراهم
هذا خطانا... ماهو خطاهم...

الله عليهم... اللي عشمونا بوهم كذبه
الله عليهم... والحب سووه لعبه

هذي المحبه... انا وقلبي وش خذنا منها
غير المتاعب... غلطتنا لازم تدفع ثمنها

http://gulf.salmiya.net/songs/rwaids...aidshed387.ram

.,-* *-,..,-* *-,..,-* *-,..,-* *-,..,-* *-,..,-* *-,..,-* *-,..,-* *-,.



(( انت في العين ))

كلمات: الناصر
الحان: د. عبدالرب ادريس

انت في العين النظر... وانت الهوى صافي وماه
وانت السحابه والمطر... والغيم في ضرع السماه
يعجبك لا حط المزون... يعجبك لا حط المزون..
ما تدري انت من تكون....

ملاك في صورة بشر... أخذت كل الأوسمه
هذا انت بعنادك بحر... والحب انت عالمه
لا قلت هونها تهون... غالي على قلبي وتمون..
ما تدري انت من تكون....

الطيب في وجهك طهر... ونظرة عيونك حالمه
تجمعت كل الصور... فيك انت هذي القائمه
تحمل صفاتك كل لون... ياصاحب القلب الحنون..
ما تدري انت من تكون....

يحلا معاه ليل السهر... ومحبتي لك دايمه
والقلب ما كثر خبر... عطشان له اروي الضمه
منهو انا عندك أكون... يا نور قلبي والعيون..
ما تدري انت من تكون....


http://gulf.salmiya.net/songs/rwaids...aidshed389.ram

.,-* *-,..,-* *-,..,-* *-,..,-* *-,..,-* *-,..,-* *-,..,-* *-,..,-* *-,.



(( زهيريه - لي راحت الأم ))

كلمات والقاء: حسن البلام

لي راحت الام متقولي شيصير بالاخوان...
من اول الزلات يا بن امي تجازيني بالأخوان...
اضحك واسولف بس بالقلب بله أخ وآن...
اشرب ياخوي من قسى الدنيا على مهلك
لا طيبي نفع ولا ضمر فيك على مهلك
انا اعرف نعمه النسيان...
لا تخاف علي مهما
من بعد عينج يا يمه وحيد ظليت بلا اخوان....

http://gulf.salmiya.net/songs/rwaids...aidshed394.ram

.,-* *-,..,-* *-,..,-* *-,..,-* *-,..,-* *-,..,-* *-,..,-* *-,..,-* *-,.



(( جروح الناس ))

كلمات: علي مساعد
الحان: عبدالله الرويشد

كل جروح الناس في صدري تون... وانت مو راضي تحس
عايش لدنياك لاهي ولا تحن... عايش لنفسك وبس

هي كلمه وقولها وريح ضميري...
انت حبيت فغيابي حد غيري...
قول هالكلمه وبس...

انا لو لي قلب معدوم الضمير
والله ما جيتك ولا قلبي كسير...

لا ترد اللي وصل بابك وجاك
اللي ماي عيونه لو تطلب عطاك...

هي كلمه وقولها وريح ضميري...
انت حبيت فغيابي حد غيري...
قول هالكلمه وبس...

كل لحظه تمر من عمري سنين
وانا من فرقاك ذابحني الحنين...
ما احس بدنيتي الا معاك
ما يعوضني هواك.. الا هواك...

هي كلمه وقولها وريح ضميري...
انت حبيت فغيابي حد غيري...
قول هالكلمه وبس...



http://gulf.salmiya.net/songs/rwaids...aidshed390.ram


.,-* *-,..,-* *-,..,-* *-,..,-* *-,..,-* *-,..,-* *-,..,-* *-,..,-* *-,.



(( خـلـوه ))

كلمات: بنت العطا
الحان: بنت العطا

خلوه دامه راح لا تنشدونه... خلوه يبعد لا تجيبون طاريه
باكر يجيني عبرته في عيونه... ماهو على كيفه ولا عاد يمديه

الجرح لا من غاب يبرا بدونه... اموت من جرحي بدونه ولا اجيه
من خان يلقى بالزمن من يخونه... الله حسيبه يوم ضاع الوفى فيه

خلوه دامه راح لا تتبعونه... خلوه يبعد ناوي البعد ناويه
لامن تذكر ما مضى من شجونه... يكفيني النسيان والجرح يكفيه

http://gulf.salmiya.net/songs/rwaids...aidshed393.ram


.,-* *-,..,-* *-,..,-* *-,..,-* *-,..,-* *-,..,-* *-,..,-* *-,..,-* *-,.



(( وخسرتني ))

كلمات: الناصر
الحان: عبدالله الرويشد


اعتقد انك ملكتني.. هذا صحيح
انت فعلا ملكتني... هذا صحيح...

بس يا خساره وللأسف...
كسرتني.. فقدتني..
وخسرتني للأبد...

مديت يد الود لك.. ماهي سنه.. اربع سنين
مافهمت شوقي والحنين..
ذي آخر العشره معاك..

حاولت اني افهمك... وامشيت معاك على ما تريد
وأصبر عليك وأتحملك... عساني اطلع بالمفيد

معادله صعبه اكيد... ما فهمتني..
الله معاك...
خسرتني للأبد...


يمكن غرورك زاد بك... خلاك تقسى تقسى ما تلين
هذا انا حالي معاك... ما خذت شي غير الأنين

وياما تحملتك كثير... وبانت اماني صورتك
وخسرتني للأبد...

http://gulf.salmiya.net/songs/rwaids...aidshed395.ram

.,-* *-,..,-* *-,..,-* *-,..,-* *-,..,-* *-,..,-* *-,..,-* *-,..,-* *-,.


تحياتىى ,,,
ديـــمــا

[m9arga3a]

نــــــــــــــــايس

تسلميين قلبي ... و يعطيج العافيه

[Adnan]

[ديــمــا]

السلام عليكم ورحمة الله وبركاته

أخي الكريم

كم سررتُ بقدومك هنا

ومشكور على النك الروعه :)

دام لى هذا الحضور الرائع

تقبل تحياتى ,,, وصفو ودى

أختك بالله

ديــمــا...

[ديــمــا]

مصرقعه

كنتي قمة في اسلوبكِ واخلاقكِ

ونورتي لي الصفحه بتواجدكِ وحضوركِ المميز

ادامكِ الله ووفقك يا رب

تحياتي وشكري لكِ

اختك بالله ديــمــا