أجمل مرثيه سمعتها عن الشيخ جابر (رحمه الله )

[نــ الدنيا ــور]

أجمل مرثيه سمعتها عن الشيخ جابر (رحمه الله )





يا عين حزنـك حـي .. وأفراحـك جمـاد *** إبني على خدي دموعك .. بيـت .. بيـت

أبا أبكي .. أبا أبكي .. أبا أبكي .. باجتهـاد *** وأبا أبكي .. أبا أبكي .. بحرقه .. ما حييت

لـو البكـا مـاهـو مبلغـنـي .. مــراد *** بـس إن صـدري يتّسـع لامـن بكـيـت

وأنا على صـدري يميـن الجـرح .. جـاد *** جـودة غصـب رضيـت وإلا مارضـيـت

أحيـان أبشّـر جـرح قلـبـي بالضـمـاد *** وأحيان أزيـده جـرح .. لامنـي صحيـت

صحيت فـي يـوم الأحـد .. تـال العيـاد ***وليا النحيب .. وهاه حي ؟؟ لا. لا.. ميـت

منهو ؟ وكيف ؟ وليه ؟ مدري ؟ والوكـاد ؟ *** إنـي بغيـت أقـوم .. لـكـن ماقـويـت

تثنّـت عظامـي .. وانـا عظامـي شـداد *** ولحقن على جسمـي معاهـن .. وإنثنيـت

أفتّح عيونـي .. مـا شـوف إلا السـواد *** أغمّـض .. ألقـى فـي عيونـي دانميـت

وشلـون جابـر مـات ؟؟؟ يـارب العبـاد *** أستغفـرك ... أغوانـي الحـزن وغويـت

الشيخ جابر مـات ؟؟ موووتـي يـا بـلاد *** الشيخ جابر مات ؟؟ مـن يقـوى المبيـت

كـل شـي تغيّـر بعـد موتـه يـا ركـاد *** حتى الكويت اليـووم .. ماهيـب الكويـت

أشوفهـا بـمنظـور دولـة قــوم عــاد *** ماباقيِِ منها .. سـوى .. ذكـرى وصيـت

يا سيدي ... مولاي .. يـا شيـخ الفـؤاد *** ياخذني الله .. كان عن حزنـك .. سليـت

أبـا أجـرح عيونـي .. بسكيـن السهـاد *** والجـرح يصحيـنـي ليامـنـي غفـيـت

يا شيـخ عقبـك كيـف يهنـا لـي رقـاد *** وأنـا بموتـك ذاب قلـبـي .. وانتهـيـت

يا اعـدل ولاة الأمـر ... وأصفاهـم وداد *** يا من تحت ظل الكـرم .. عشـت وربيـت

عطـاك .. واضـح بالـقـراب وبالبـعـاد *** وأخلاصـك .. مبيّـن .. ليامنـك عطيـت

والنـاس تعطـي .. بـس تاخـذ بازديـاد *** إلا أنت تعطي ثم تعطـي .. وإن خذيـت ؟؟

تاخـذ عـروق قلوبنـا .. علـى انـفـراد *** تتشرّبك .. حـب وغـلا .. ليـن إرتويـت

مافيه أحد من فضـل خيـر .. مـا استفـاد *** مثلك يـا سيـدي .. لا سمعـت ولا رأيـت

ورغم إنك اللي فوق .. عرش الطيب .. ساد *** من زهدك .. إن طرّوك بالمدح .. استحيـت

آآآآآآواه من فرقـاك .. وآآآه مـن البعـاد *** والذبح .. من طيفك لا جـا يمـي وجيـت

يا ليـت موتـك رجـل .. وأعلنهـا جهـاد *** وأدافع إمـن أجلـك .. دفـاع المستميـت

لكـن هـي الأقـدار .. مـا عنهـا حيـاد *** وإلا ترانا نقـول .. يـا عـل ويـا ليـت

يا مجري الأقدار .. ذو الفضـل .. الجـواد *** يا واسع الرحمة .. يا محيي .. يـا مميـت

يـا مـن علـيـك المتـكّـل والإعتـمـاد *** يـا سامـعِِ دعـواي .. لامنـي دعـيـت

أرسـل مـن جنانـك نسانيـس الـبـراد *** على قبـر مـولاي ... إلهـي بـك لجيـت

تعبـان ..وأتعبنـي شـعـور الإضطـهـاد *** وأبا أتحـرّر .. وأكتـب أصـدق مانشيـت

إن مـوت جابـر .. يعلـن لكـل العـبـاد *** إن الكويـت اليـوم .. ماهيـب الكـويـت




وســـلامتكم


للشاعر

مطلق النومسي

[ديــمــا]

يا عين حزنـك حـي .. وأفراحـك جمـاد *** إبني على خدي دموعك .. بيـت .. بيـت

أبا أبكي .. أبا أبكي .. أبا أبكي .. باجتهـاد *** وأبا أبكي .. أبا أبكي .. بحرقه .. ما حييت

لـو البكـا مـاهـو مبلغـنـي .. مــراد *** بـس إن صـدري يتّسـع لامـن بكـيـت

وأنا على صـدري يميـن الجـرح .. جـاد *** جـودة غصـب رضيـت وإلا مارضـيـت

أحيـان أبشّـر جـرح قلـبـي بالضـمـاد *** وأحيان أزيـده جـرح .. لامنـي صحيـت






وحتى لا أتخبط كثيراً سأقف عن الكلام هنا

وأسأل الله العالم بكل حال أن يسعدك أينما

تكوني ويوفقك أينما تتجه ويلبسك ثياب الصحة والعافية

وأن يجعل رايات الوفاء واللقاء ترفرف بكل أيامك بقرب أهلك

وناسك وفي ظل من يهوى فؤادك يااااااااااااااااارب ,,,

تحياتي ديــمــا

[نــ الدنيا ــور]

ألف شكر لج

أختي ديــمــا

ع المرور الكريم الذي انار متصفحي

واطلب المولى العزيز ان يتغمد الفقيد الشيخ جابر في روض من رياض الجنه

أخـــتــــج
نــ الدنيا ــور

[alkady]

مشكور نور

والله يسمع منج

[نــ الدنيا ــور]

هلا والله اختي

العفو ماسويت ألا الواجب

وهذا قليل جداً بحق المرحوم جابر العثرات

شاكره لج مرورج الكريم

أخــتــج
نــ الدنيا ــور