طريقه تحويل الاغاني Cd

[Kuw]

طريقة كيف تعمل سيدي عشان تسمعه بالسياره من الألف الى الياء

نظراً لكون ملفات الـ MP3 ملفات كبيره و صعبه تتحمل من النت بالذات اللي من السعوديه

راح أشرح لكم شلون تنزل الأغنيه على شكل .rm و تحولها لـ MP3 و تحطها على سيدي للسياره

أول شي لازم يصير عندك برنامجين للشي هذا

StreamBox Ripper 2.009

رابط التحميل

Nero Burning Rom - أي نسخه

رابط التحميل

تروح موقع للأغاني تنزل منه الأغاني و تخزنها عندك في ملف الأغاني أو أي مكان تخزن فيه ملفاتك



أضغط على Load اللي موضحه فوق عشان تختار الملف اللي تبي تحوله

تختار الملف اللي حطيت فيه أغنيتك و راح تدور الأغنيه بس ما راح تلقاها

لازم تختار الخيار ذا



تختار الأغنيه و تضغط على



روح عاد لسطح المكتب و سوي لك ملف جديد و سمه مثلاً CD

و ارجع للبرنامج

من زر Change روح و اختار الملف اللي انت توك مسوية على سطح المكتب

و حط باقي الخيارات مثل ما انا مختاره بالصوره هاذي




و أضغط على OK و راح يبدا التحويل من rm. إلي MP3.

و سوي جذي لكل الأغاني اللي تبي تحولها

لين تخلص كل الأغاني و بعدين شغل برنامج النيرو اكسبرس بما أنه اسهل شي



بتطلع لك عدة خيارات ... أختار زي ما هو بالصوره



بعدين راح تطلع لك وندو فيها عدة خيارات اضغط على الزر Add


تختار الأغاني اللي تبيهم و تضغط على Add لين تختار كل الأغاني و بعدها أضغط Finish

حاول انك ما توصل للـ 80 و إن تعدت الخط الأصفر مو مشكله بس إذا تعدت الأحمر ما راح ينسخ لك السيدي



و إذا تبي السيدي يعيش معاك حاول انك تخليه ما يتعدى الخط الأصفر

و فيه خيارات على اليمين

الأول ما انصحك تغير فيه شي

الثاني إذا ما تبي وقفه بين كل اغنيه و أغنيه حط صح على المربع




بعدين أضغط على Next



و بعدين راح تطلع عندك وندو ثانيه فيها خيارات لا تغير فيها شي ... الأول تختار السيدي رايتر اللي في جهازك

الثاني اللي مكتوب جمبة Title CD Text إذا تبي تختار اسم للسيدي أو موضوع

اللي بعده Artist CD TEXT تختار اسم الفنان اللي له السيدي

و هاذي ما تطلع إلا بالمسجلات اللي فيها ذا الخاصيه و عشان ما تصير لخبطه انصحك تخليها فاضيه و اكتب على السيدي بقلم

Writing Speed خلها على اسرع شي عندك و غالباً هو يختارها بنفسه يعني لا تعدل فيها شي

Number of copies عدد النسخ اللي تبيها من السيدي

بعدين أضغط على Burn


و طبعا تحط سيدي فاضي عشان ينسخ عليه

و بيبدا ينسخ لك السيدي

أنشاء الله يكون الشرح مفيد

تمنياتي لكم بالتوفيق

اخوكم كويت

[][..صـاحبة السمـو..][]

تسلم كيو على هالطريقه

خوش شغل عدل

ويعطيك العافيه

[Kuw]

الله يسلمج وعافيج قلب

مشكوره على مرورج

[ديــمــا]

السلام عليكم ورحمة الله وبركاته

Kuw

سلمت يداك على هذه المشاركة الطيبة

والموضوع الرائع والمميز بالفعل بشهادة ابداعك

شرح مبسط وسلسل بارك الله فيك

تقبل فائق شكري وتقديري على مواضيعك

التي تثر بها المنتدى بكل اقسامه

بارك الله فيك ووفقك لما يحبه ويرضاه

ودمت مضيئ

اختك في الله ديــمــا

[STRONG]

يعطيك العافيه قلب :)
وهذا برنامج اسهل من ستريم بوكس وعربي لتحويل الصيغة للي مايعرف
اظغط هناا لزيارة الموضوع
وشكراً