انواع الشباب عند اشارة المرور

[tupak]

السلام عليكم ورحة الله وبركاته

اغلبيه الرجال لهم طريقتهم الخاصه في شغل اوقات فراغهم لما يكونو واقفين عند الاشاره !!!!!!


النوع الاول
وهو الي يستغل وقته ويرتب سيارته ويفتح دروج سيارته ويعفط في هالفواتيرويرميها في الشارع وفجاءه ماتدري الاوهو ناقز في المرتبه الي ورا يرتبها ولا تستغرب اذا شفته ناط في شنطه السياره (الرجال مرتب)وتنفتح الاشاره والاخ مشغول في التنظيف!!


النوع الثاني
وهوالي تقول توه يكتشف ان وجهه محتاج تنظيف ويسحب في المنديل وعلى خشمه واذا خلص طفى السياره علشان ينظف اذنه بالمفتاح (قصده شريف)
وشوي ويقص اظافريده وماتدري الاوهو مرفع رجله يقصها هذا اذا كان معاه مقص اظافر واذا ماكن موجود فالحل موجود طبعا يقص اظافره بواسطه اسنانه (قمه النظافه)!!


النوع الثالث
وهو اكثر واحد يفرح اذا وقف عند الاشاره علشان يبداء يستعرض ويرقص ويردح هو واخوياه ويرقصون السياره معهم !!


النوع الرابع
وهو عكس الي قبله وهوالي يشغل شريط خالد عبدالرحمن (ومغلدم)وانواع التغلق والحزن وطبعا الاغنيه من كثر ماهي قديمه تشك انه مغنيها قبل توحيد المملكه ويكون وجهه مورم من الصياح!!


النوع الخامس
وهو الي تقول توه مكتشف انه ابو وماتسمع غير هواشه وتلعينه على بزرانه الي مالين سيارته وماتدري الا وهو ساحب العقال ومخرب التشخيصه(يستعمل اساليب التربيه الحديثه)ويرجمهم بكرتون المناديل الي ماليه السياره والفضل يعود للمحطه البنزين لو تمر جنبهم عطوك منديل هديه!!


النوع السادس
وهو الي يستغل الوقت ويجلس يشخص ويرش عطر وشوي لايحط روج ومعلق الايرفون في اذنه ومشغل شريط (سيلين ديون)مسوي جو اجنبي وانواع القز في السيارات الي جنبه!!


النوع السابع
وهو الي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشورما في حضنه والفطاير جنبه والبيتزا في المرتبه الي وراه ولا تستغرب لو شفته داب في مفطح!!


النوع الثامن
وهو الي تحس انه ماعنده وقت ابد ودايم بزي ولابس نظاره وخاتم ومبحلق في الجريد ومسوي زحمه في الشارع والي جنبه طفشان ومشتغل مسجات بالجوال !!


النوع التاسع والأخير
وهوالي سيارته زحمه مو ناس لا ماخلى ثوب ولا شماغ ولا بدله ولاجزمه حتى الشراب الا ومركبها (الله يكرمكم))معه عشان يكون تبديل الملابس اسرع عند الاشاره حتى البطانيه جايبه




تحياتي عثمان

[Q87ob]

tupak

يسلمو يالغالي على الموضوع المميز

ناس ماعندها شغل وحياة الدنيا ماكله اعقولهم

وليش مايسون كل هذا ببيوتهم ؟

اكيد مافي وقت مستعجلين يبون النحشه من البيت :/

وانا من راي انوعيه هذا نوعيه فاشله بالاساس ماعندها

نضام بحياتها وما عندها ترتيب وتنسيق الوقت وكل شي فوضه عندهم

واقولهم نظموا حياتكم ونسقوا وقتكم بالعدل وبالتساوي

لاان الفوضه تسبب معانات كبيره بالمستقل لان ماراح يقدر

يعطي كل شي حقه وتكون حياته فوضه وبفوضه

ويظلم اللي حوله ويظلم نفسه



على مجهودك الطيب ونشاطك الملحوظ

ونشاءلله تكون في ميزان حسناتك

نور الله وجهكم بنور الايمان وطاعة الرحمن

وننتظر منك المزيد كما عودتنا دائما

تحياتي لك اختك كويت حب

[tupak]

لووول اكيد يبون ينحاشون



ومشكوره على الرد

تحياتي عثمان

[shevchenko]

شكرا اخوي توباك على الموضوع الثمين

تحياتي..

[Q87ob]

tupak

يسلمك يالغالي هذا واجبنا اتجاه

مجهودك الطيب ومشاركاتك الملحوظه

بارك الله فيك يالغالي ومنها للاعلى

تحياتي لك اختك كويت حب