**قصيدة شاعر يحضر زفاف حبيبته **

[بنت الغلا]

___ قصيدة شاعر يحضر زفاف حبيبته ____




أبد .. ما جيت ابارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي




ترى لولا الظروف اللي عطتْك وحدّت محاكيك
قسم بالله ما تدخـل عليهـا لـو علـى رْقبْتـي
.


ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْت



كذا شاءت بنا الأقدار تحرمني لجـل تعطيـك
كذا لازم عشان تفوز إنت .. أخسـر بتجربْتـي



تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي
.


أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي



لإنك لو بتسألني بتسمع شـيء مـا يرضيـك
لـذا ياخـوي لا تسـأل ولا تسمـع لأجوبْتـي
.


أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي



فداعبها شوي شوي حتـى تشتهـي طاريـك
وشاغبها إليـن تقـول لـك: بطّـل مشاغبْتـي




واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي




وبالك اسمع انّك يوم تضربها وهـي تشكيـك
ما يحتاج اورّي لـك بفـن الضـرب موهبْتـي
.


صحيح انك بتملكها ومعك الصـك بالتمليـك
وانا عارف حـدود الله ومـن حقـك معاقبْتـي



ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي




وانا مجنونها اللي ما نساها وانت مـا يمديـك
تغطّي ذكرياتي في هواهـا.. وربْـع تجربْتـي



أحس اني تماديت بكلامي.. والغضب حاديـك
ولو انّك في مكاني مـا تفكّـر فـي محاسبْتـي

.


كفاك اني تركت الليله اشغالي عشـان اجيـك
دخلت القاعه برجلي ولا ادري ويـش عاقبْتـي




وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي




توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي




ولكن ما قدرت انّي أقوله وانـت مـا يخفيـك
أخـاف انّـي إذا قلتـه تقـوم وتقطـع رْقبْتـي

[ديــمــا]

ياهلا ومرحبا بك يالعذبه

بنت الغلا عندما ارا اسمك لااتردد بالدخول

لاني على ثقه بانني سوفا اجد جمال لايعادله جمال

مبدعه مبدعه منذ البدايه وسيضل الابداع حليفك

لله درك على هكذا عزف ابدعتي وامتعتي

صح لسانك ولاتهانين

دام هالتواجد والابداع

ولاخلا ولاعدم

مع التحيهـ

ديــمــا

[العاشق المجروح]

يالله روووووعه روووووعه ياليت كل الي يحبون بعض يكونون لبعض


من جد ما ادري لو بيوم عرفت ان حبيبتي ببتزوج غيري والله اروح فيها



لاكني اقل شي بسويه بحفضها بقلبي وروحي طوووول عمري



واذا هالشخص كتب هالقصيدة من اجل خاطر عيونها فـ انا اقول له صح السانك



واما انتي بنت الغلا اقول لك الله يخليك يارب للي يحبك طووول العمر ويخليكم لبعض



ويعطيك العافيه يا اجمل بنات الدنيا ومن جد مثل ماقالت ديما اذا شفت اسمك ادخل من دون تردد



لاني اعرف انك بنت الغلا ماتجيبي غير الغلا والجمال والروعه من كل حدب وصوب



انا اعتقد انك تملكين من المشاعر مايجبرني على القول انك شاعرة بكل ماتعنيه الكلمه



والسبب هو انك تنتقين الاشعار الرائعه يعني ذوقك عاااالي وهذا مايطلع الا من وحده تملك ماتملك من الابداع



واعتقد اني انا بالذات شهادتي فيك مجرووووحه بجد مجرووووحه



تقبلي مروري بنت الغلا وتحياتي لك واعجابي واشواقي الى شخصك الرائع




الــعــ الـمـجـروح ــاشـــق
الــــــــطــــــــا ئــــــــــر

[بنت الغلا]

ديــــــــــمـــــــــــا

يسلمووووووو حبيبتي
على
المرور الذي اثلج صدري
دامك الله وردة لهذا المنتدى

تنشرين عبيق رائحتك
في كل قسم من الاقسام
ولاخلا وعلا حبيبتي

[بنت الغلا]

الـــــــــعـــــــاشـــــــقـــ الــــمـــــجـــــــروحـــــــ

كم زادني بهجة حينما رائيت

اسمك في متصفحي

وكم داعبني الغرور

حينما ارى اطرائك الجميل

تعليقك اضعه وساما على صدري

ايها المبدعــــــــ

وتقبلــــــــــ خالص صفو تحايايـــــــــ