مات شوق الخفوق ومات اغلا شعور

[ديــمــا]

مات شوق الخفوق ومات اغلا شعور
******** ليت لحظات بعدك طوّلت بالها

راحـــت سنين عمـري والليالي دبـور
******** والمشاوير رسّتني على جالها

والله انـي على ظلـم المفارق صبـور
******** مير نفسي خطاها طيبة اعمالها

الشجــر قـــوته ياصاحبــي بالجــذور
******** بس ما كل شجره يورف اظلالها..!

مااذكر اني خطيت وجاك مني اقصور
******** ليه نفسي عليك اتمّـوت آمالها

وليه مات الكلام العذب بين السطور
******** وانت تدري عن ايامي وعن حالها

لو تطيش السنين وتقتفيها الشهور
******** ما نويت اشتكي لو زادت اهوالها

بعد موت العيون وقبل ضيق الصدور
******** المــدامع لك الله طــاح همــالها

لا تعـّـذر تــرى والله ماأنت امـعــذور
******** ضقت منك ومن الدنيا وغربالها

قبل تعميك نفسك وايتمادى الغرور
******** كنت اشوفك سفر نفسي وترحالها

لا تقــول الليالــي مــا لهــا اي دور
******** منهــو اللــي خــذا دنياي واغتالها

الخفوق الغيور .. اليوم ماهو غيــور
******** بتركك .. والمحبه راحت بـ فالها

مات حبك وهو توّه بعمــر الزهــور
******** ليت لحظات بعدك طوّلت بالها ..!!




مــع ــع التــحــيــه ــه

ديــمــا ــا

[جريح الامس]

صح لسانج ولاهنتي عالقصيده
.
.
.
.
.
لوني منج اشترك بشاعر المليون>>لـووووووووووووووووووولـــ

[ديــمــا]

جريح الأمس..


شكرا لك على مرورك المشرف

لصفحتي المتواضعه

بارك الله فيك

يعطيك العافية ان شاء الله ..



تحياتي اختك
ديــمــا

[كول شباب]

جزاج الله خير

[ديــمــا]

كول شباب


اشكرك اخي الكريم على

حضورك الكريم وتنويرك

بارك الله فيك

اختك بالله
ديــمــا