|
||
 |
||
|
|
||
|
|
||
|
||
|
|
||
|
|
||
|
|
||
هذه الرسالة تفيد بأنك غير مشترك في منتديات شبكة عرب شات. لتسجيل الرجاء اضغط هنـا
|
|||||||
| استرجاع كلمة المرور المفقودة | طلب كود تنشيط العضوية | تنشيط العضوية |
 |
| منتدى القضايا الساخنة والجادة كل ما يتعلق بالمحيط الخارجي واخر الاخبار والمستجدات على الأخبار العالمية |
|
|
|
LinkBack | أدوات الموضوع | انواع عرض الموضوع |
03-20-2007, 03:53 AM
|
||||||||||||||||
|
||||||||||||||||
|
بنات اخر زمن >> لاحول الله
اود ان يكون طرحي عن البنات وسوالف البنات << وما أدراك ماسوالف البنات بصراحه أنا اصبحت اشعر بخوف من بنات الايام هذه .... وخصوصاً هالفتره دارجه ظاهرة البويات أعوذ بالله منهم وليس هذا فقط الان بصراحه نجد قله قليله جداً جداً من البنات الملتزمين ...<< ماأقصد كل وحده مربيتلها لحيه ومقصره النفنوف لا قصدي ملتزمين يعني مالهم شغل بسوالف بنات هالأيام وبلاويهم ومشاكلهم اللي مالها أول ولا تالي باختصار وبالعامه المطلقه ... البنت هالأيام صارت ماتسمع كلام أحد ولا تبي أحد يفرض رايه عليها ولا تبي أحد يتحكم فيها .... صح ان ماكو شي بالغصب ولا في أنسان يحب أحد يتحكم فيه لكن ... البنت بنت تروح ولا ترد تظل بنت كلام الناس يأثر عليها وأي تصرف خطأ منها راح تظل متحمله نتيجته طول ما أهيا عايشه انا – وأعوذ بالله من كلمة أنا – كــ بنت أقعد مع البنات وأسولف وياهم عارفه سوالفهم عدل خاصةً اللي عمرهم قريب من عمري كنت اسأل اختي اللي تصغرني بالسن عن مدرستها ودراستها وسالفه ورا سالفه الي ان وصلنا للبنات ,,!!!!! وقالت لي قصص وسوالف تسمعها من بنات جيلها بنات المدارس عارفين سوالف بعضهم احسن من غيرهم عارفين طريقة تفكير بنات هالأيام وعارفين السوالف اللي يحبونها وعارفين كل شي يدور في بال بعضهم فكانت تقول لي اشياء استغربها ردت علي وقالت لي :يعني تقريباً نص يومي أقضيه معاهم بالمدرسه وفاهمه شللي يحبونه وشللي يكرهونه وين يحبون يطلعون ومع منو وسوالف مالها نهاية ... والله والله والله اني سمعت عن وحده تقريباً صارلها أكثر من خمس سنين تكلم شباب يمكن نص عيال الديره مكلمتهم يعني نقدر نقول انها من ثانيه متوسط من كان عمرها 12 سنه واهيا على هالحال والحين اهيا عمرها 17 سنه كبري من الإبتدائي وانا مع هـ البنت بمدرسه وحده بس معرفتي فيها بدأت من ثانيه متوسط كونها معاي بنفس الصف والحين بيني وبينها سلام البنت طيبه ولا عمرها فكرت تأذي أحد وماينسمع لها صوت بس سالفة انها والله من غير مبالغه والله انها مكلمه أكثر من 15 واحد ونصهم كانت تشوفهم لمن تطلع ... جربت جم مره انا ومدرسه قريبه منها ورفيجاتها ننصحها ونكلمها لكن اهيا مقتنعه باللي تسويه ... وانا أقول انها غلطة أهلها اللي عطو بنتهم تلفون واهيا للحينها مادخلت الثانويه حتى أو بالأصح ماتخرجت منها ولا أعتقد يسـألون من تكلم أو شتسوي أو أو أو ..... هالبنت تدري أن كل اللي تسوي حرام وغلط وراح تتحاسب عليه .... واهايا بعظمة لسانها قالت هالشغله لكنها للحين مستمره يعني هذي عمرها ماصار 18 سنه وسوت جذي لي دخلت الجامعه شنو راح تسوي؟؟ شلون راح تربي عيالها واذا ؟؟ تزوحت واحد راح تقولها عن الخرابيط اللي سوتها بحياتها؟؟ ... أكيد لأ هذي خلصنا منها الحين قالت لي بالمدرسه ساعات نلاقي عمال يشتغلون سواء كانوا عمال تكييف أو صبغ أو غيره طبعاً يا يكونون من الجنسيه المصريه أو الهنديه وتلاقي البنات كل وحده منهم قاطه حجابها عن كشتها وتتمشى بالمدرسه حسبالها بيت أبوها واذا رفيجاتها قالولها أمبي شوفي رياييل بالمدرسه قالت : عادي هذي هندي أو مصري ... يعني الحين الريال صار بنظرهم بس الخليجي لكن غيره مو ريال .... <<< على راسي الخليجي بعد ماقلنا شي وتلاقيها تمشي مكمله طريجها وتطوف من جدامه وتقول : اهوا أشدراه إني متحجبه ؟؟ مايدري الحين قلنا اللي يقطون النقاب عادي لكن الحجاب بعد والله وصلنا لي مرحله صار كل عادي <<< هذا اللي ناقصنا بعد لا وبعد ذيك المره وحده قاعده ترقص بالباص كانت يم سيارتنا عند الإشاره مو بس سوالف بنات المدرسه اللي باطه جبدي وقاهرتني حتى البنات اللي أشوفهم بالسوق موضتهم هالأيام يلبسون شورت ومطلعين السيقان الذهبيه <<< يبا ندري أن سيقانكم أشحلاتها وتهبل خشوهم الله يستر عليكم وعلى الجميع .. يدرون ان الشي حرام ويسوونه والله قهر طبعاً أنا أدري أن مابيدي شي غير اني اكتب ماسمعته من اهوال وبلاوي اللي قامت تصير عندنا بالديره وأدري أن محد عنده الحل لكن ..... لي متى على هالحال؟؟ والله تعبنا كل يوم جرايم وبلاوي ومصايب ملينا مانبي شي بس نبي نعيش عيشه كلها سلام وأمان ونبي نكون ناس ملتزمين أكثر بتعاليم ديننا .... صدقوني ماكتبت هالشي إلا لأني محتره ومقهوره على بنات ديرتي وعلى خرابيطهم اللي يسوونها واهما ادرى أكثر مني أن اللي يسوونه غلط وأكبر غلط ... أخيراً :: الله يستر علينا وعلى بناتنا ويهدي بنات هالايام للخير والصواب ويرجعون الى رشدهم سامحوني على الإطاله بالموضوع واتمنى انه ينال إعجابكم تحياتي \ ديــمــا ,,
__________________
  | ... في ذكرى ايام رحلت... | فلا تزال هي موجوده بداخل روحي بداخل عقلي ونفسي ... رحلت هـي وتركتني هاهنا لإحـاول الـلحاق بهـا فبـقى صـدى سـؤالي يـتردد بـداخـل تـلـك الـذكرى : فأين أجـدها ...؟ :::  .๑₪【ツ】₪๑. واذا اتتك مذمتي من ناقصَ فهي الشهادة لي باني كامل
|
|
#2
03-20-2007, 05:07 PM
|
||||||||||||||||
|
||||||||||||||||
|
الله المستعان
أختي ديما ولكن التربيه لها دور كيبر في الموضوع والزرع الي زرعناه راح نحصده يعني كل واحد يبي يربي بناته او اعياله يقدر والعمليه موصعبه ولكن إذا خليناهم علي كيفهم وقلنا الهدي الله فعلي الدنيا السلام حنا ندري ان الهادي سبحانه ولكن حنا نسوي الي علينا من تربيه وزعم القيم والاخلاق وتعاليم الدين الحنيف ونجتهد بدعاء لهم بصلاح الحال في الدنيا والاخره ونكون سوينا الي علنيا ولا (( كلكمراعي وكلكم مسئول عن رعيته)) اما بنسبه للبنات والشباب بعد ضايعن حتي الشباب صارو جنوس وعبدة شيطان ولي مأذي ينات خلق الله وطايحله مغازل زين ياخوي تزوج واحفض نفسك يقول لاتوني ضغير ونرجع للبنات صراحه يخوفون وانا واحد من الربع يقولي شرايك بأخذ من السعوديه قلتله ليش قال أهناك المجتع والعايلات محافضه اكثر من أهنيه وانا من كثر ماكلامة وشفت صارت عندي قناعه ان اكثر بنات الكويت ((( أقلهم إذا موطالعه مع شباب أكيد مكلامه واحد مستحيل تلاقي وحده نظيفه))) قلته معاك حق في بنات واجد خربانين ولكن بحكم انك كله مع الخربانين صرت ماتشوف غيرهم ولكن في ناس محتشمه ومستتره في البيوت والزين والشين في كل مكان حتي السعوديه فيها بنات خربانه وفيها الزينه حالت رفيجي هذا صراحه خوفتني وبينتلي مدي ماوصلو له البنات من خراب ودمار وصارحه الواحد لراح السوق يشوف العجب من السفور ومن المحجبه ومن الي تلبس نقاب كل واحد علي طريقته أشياء صراحه قمه في النحطاط انا ماني عارف شلون أهلهم يسمحولهم يطلعون من البيت جذيه هذا وهي رايحه السوق شلون لو رايحه عرس ولا حفله شنو تلبس اللهم لاتبلانا أختي أشوف حل المشكله يرجه للعائله والرجوع في المقام الاول لتعاليم الدين والله يهدي الجميع تحياتي لج علي الموضوع القيم زالله يطيج العافيه  احدن يحاول بردي بنت عمه واحدن يدور سترعذرا عوانيه
|
|
#3
03-20-2007, 07:46 PM
|
||||||||||||||||
|
||||||||||||||||
|
جراح اشكرك على تعقيبك عالطرح واوافق الراي بكل كلمه ولاكن بالفعل هناك الشين والزين بس الشيف للاسف اهو اللي مبين اكثر وبارز عندنا لانه الزين حافظ نفسه بيته والله المستعان مثل ماتفضلت,, كل الشكر لك على هذا التواصل والدعم الرائع تمنياتي لك بدوام الصحه وبالتوفيق محبتك بالله ديــمــا | ... في ذكرى ايام رحلت... | فلا تزال هي موجوده بداخل روحي بداخل عقلي ونفسي ... رحلت هـي وتركتني هاهنا لإحـاول الـلحاق بهـا فبـقى صـدى سـؤالي يـتردد بـداخـل تـلـك الـذكرى : فأين أجـدها ...؟ ::: .๑₪【ツ】₪๑. واذا اتتك مذمتي من ناقصَ فهي الشهادة لي باني كامل
|
|
#5
03-26-2007, 02:24 AM
|
||||||||||||||||
|
||||||||||||||||
|
الخطيب اشكرك اخي الكريم على حضورك الكريم وتنويرك بارك الله فيك اختك بالله ديــمــا | ... في ذكرى ايام رحلت... | فلا تزال هي موجوده بداخل روحي بداخل عقلي ونفسي ... رحلت هـي وتركتني هاهنا لإحـاول الـلحاق بهـا فبـقى صـدى سـؤالي يـتردد بـداخـل تـلـك الـذكرى : فأين أجـدها ...؟ ::: .๑₪【ツ】₪๑. واذا اتتك مذمتي من ناقصَ فهي الشهادة لي باني كامل
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
روابط مهمة |
أقسام المنتدى |
||||
|
|
|
العرض العادي
