[Q87ob]

مفاهيم الغـــــلا ....

ياللي تقول وتدعـي انـك إنسـان
وإن الكرامه في وصالـي تحـدك
ماهقوتي عندك مشاعر على شـان
تشتاق لـي وعـز نفسـك تـردك
حيرتني وأصبحت أنا فيك حيـران
ولا عاد أفرق بين مزحـك وجـدك
أبسألك هو الغـلا دون وجـدان ..؟؟
ولا مفاهيم الغـلا غيـر عنـدك ...؟؟
أهديت لك قلبي غلا وأنـت خـوان
جازيتني بكثـر القطاعـه وصـدك
إن جيت أبفرح جيتني أنت زعـلان
وإن جيت أبزعل قلت بيحت سـدك
فهمتنـي إن الغـلا زلـت اللسـان
وإن المشاعر موقفت يـوم ضـدك
لا تحسبني يـوم أداريـك عجـزان
ولا علـى ماقيـل مانـي بـقـدك
وإن كنت ماتدري ترى خاطري شان
وأخذ الحذر مني أنـا اليـوم نـدك
أبوهمك وصالن وزيدك بهجـران
وبلبسـك ثـوب الشقـا وستبـدك
أبخدعك ورويك لا صرت ضميـان
وضحك وقول إني من الروح أعدك
أبي أشوفك غـارق بهـم وأحـزان
وأبي دموعك تجرح أطراف خـدك
حتى تعرف إن الكبر فيـك يفـلان
وداك لـي قمـة هلاكـه وهـدك

*******************

تحيــــــ لكم ـــــــاتي
اختكم كويت الحـــــب