[Q87ob]

اتركي ما فات وانسي يا الهنـوف
لا تعيشي باقـي العمـر بقهـر

كفكفي دمعات عينك با الكفـوف
واحسبي ما فات لك غلطة عمـر

ما يموت الحب من طعن السيوف
العزيز ان حـس بالـذل انتحـر

ضاع منا حبنـا وحنـا نشـوف
يا خسارة ضاعت احلام الصغر

حبنا عشناه في غربـه وخـوف
ما رسمنا له علـى الواقـع اثـر

مثل من ينقش على الرمله حروف
مثل ما تكتـب بسرعـه تندثـر

حلمنا نرقص على نقر الدفـوف
يوم نتلاقى علـى شاطـي بحـر

ما حسبنا تغيب ويصيبك خسوف
نحسب انك بدر دايـم يـا قمـر

ابعدي وابعـد وبالدنيـا نطـوف
ننتهـي وتكـون قصتنـا عبـر

عن نهايه حب تحكمه الظـروف
ما يعيش الحب فى رحمة بشـر

*.*.*.*.*.*.*.*.*.*.*.*.*.*.*.*.*



تحياتي لكم اختكم كويت حب