منـك السموحـه والعـذر ياضنينـي
النـفـس طـابـت لـين قلبـي عـذرهـا
ما عاد باقـي شـي بينـك وبينـي
وان كـان لــك حـاجـه تـعـال اختصـرهـا
أخذت مـن عمـري حـلاوة سنينـي
كافـي عـلـى قلـبـك اليـامـن ذكـرهـا
غصـب الفـراق يصيـر مـاهـو بديـنـي
أقدار مكتوبة ولاحــدٍ قـدرهـا
توك تجي .. واتقول انك تبيني
وين انت يوم النفس تشكي كدرها ؟؟؟
كنـت اترجـى تتصـل يـوم فينـي
كنـت بحياتـي غيـر .. قبـل أتهجرها
خلاص لا تتعب قدمك وتجيني
كنت احترم جيّتك .. وصـرت احتقرهـا
سبحان من خلاك عادي بعيني
مـن عقـب ما كنت إنـت تسـوى نظرهـا
سلامت قلوبكم الطاهر ... وعيونكم الحلوه..