اعرفوا الفرق بين البنت الناعمة والبنت الدفشة.........
________________________________________
بسرعة تعالوا شوفوا شو الفرق بين البنت الناعمة والدفشة ؟!
1) كيف حسب رأيكم ممكن تكون البنت الناعمة؟
- طبعا هذه البنت وهى نايمة في غرفتها الدبدوب والارنوب كلهم في احضانها وإذا قامت من النوم ما تقوم إلا الساعة وحدة الظهر أول ما تصحا من النوم تفتح الستارة والشباك عشان الغرفة تتنفس وتشغل موسيقى رومانسية عشان يكون الجو رايق وتأخذ حمام محترم وبعد ما تطلع من الحمام على المراية تحط من هالكريمات والميكياج .. لازم تحافظ على البشرة .. خلصت من المراية وتتجه ألان إلى السشوار وبعدين تلبس البنطلون الجينز والبلوزة .. وتنزل تأكل الفطور اللي يكون عبارة عن عصير برتقال وكورنفلكس وشغلات خفيفة نظيفة ولا أحلى...
1) البنت الدفشة:
- تقوم الساعة 8 الصبح وهى ما بدها تقوم وتدخل أمها عليها بالغرفة وتصرخ عليها قومي شبعتي نوم ترد الدفشة على أمها .. طيب طيب أسا بقوم بقعد وتقعد تأفففففففف ويطلع من فمها نار .. بالإضافة إلى إنها وهى نايمة كل دقيقة تنطرح عن السرير .. وبعدين يدخل أخوها الصغير ويصرخ وجع ياللة كفاية نوم .. ترد عليه : اطلع من الغرفة وإلا أرميك من الشباك هساااا .. المهم أخوها اللي اكبر منها يروح لها الغرفة يرفسها وبعد تلك الرفسة العنيفة تصحا
من النوم .
2) البنت الناعمة:
- ما تتغدا إلا الساعة 4 ولا 5 ولا تتغدى إلا على خبز دايت أو بيض مسلوق وسلطة تحافظ على رشاقتها
2) البنت الدفشة:
- تتغدا الساعة 12 بالضبط وما تتغداش غير كرشات وكوارع ولحم أو دجاج وإذ خلصت تشرب الكولا شفطة واحدة
3) البنت الناعمة:
- ما تطلعش إلا في المسا، ليش؟ عشان تحافظ على البشرة من ضوء الشمس
3) البنت الدفشة:
- تطلع الساعة 2 عزّ الظهر وتروح مشي لبيت خوالها لحد ما تنقلب سمرة
4) البنت الناعمة:
- إذا بدها تضحك تقول ( هههههههههه) ويدها على فمها من الخجل والضحكة من الصعب انك تسمعها
4) البنت الدفشة:
- ها ها ها ها .. والحارة التانية والعيلة بالليلة تسمعها
5) البنت الناعمة:
- إذا تحب تسمع اغانى ما تسمع عربي ما تسمع إلا ريكى مارتن طبعا لأنه حلو وممثلها المفضل براد بيت لوسامته وميل جبسون وجيم كارى لخفة دمهم
5) البنت الدفشة:
- ممثلها المفضل توفيق الذقن ومحمود المليجي وبتسمعش غير شعبان عبد الرحيم.
6) البنت الناعمة:
- لما تتفرج على التلفزيون تقعد على الكرسي وتحط رجل على رجل وتبتسم لان الابتسامة تضفي بشاشة على الوجه
6) البنت الدفشة:
- تنبطح على الأرض وتحط رأسها على المخدة وتمد رجليها وتحطها على التلفزيون وإذا بدها تغير القناة بتخبط التلفزيون بأصبع رجلها اللي مش قاصّة أظافره من العيد الصغير.
7) البنت الناعمة: فيلمها المضل Titanic ومسلسلها المفضل Days Of Our Lives
- البنت الدفشة: فيلمها المفضل Shreck ومسلسها المفضل Taz
8) البنت الناعمة:
- في نهاية هالموضوع تقولكم تشاو .. أو سى يو .. أو بباى
9) أما الدفشة:
- في نهاية الموضوع تقولكم .. يلى انقلعوا
---------------------
تحياتي